परमेश्वर स्तुति स्तोत्रम् (Parameshvar Stuti Stotram)

त्वमेकः शुद्धोऽसि त्वयि निगमबाह्या मलमयं

प्रपञ्चं पश्यन्ति भ्रमपरवशाः पापनिरताः।

बहिस्तेभ्यः कृत्वा स्वपदशरणं मानय विभो

गजेन्द्रे दृष्टं ते शरणद वदान्यं स्वपददम्॥1॥


न सृष्टेस्ते हानिर्यदि हि कृपयातोऽवसि च मां

त्वयानेके गुप्ता व्यसनमिति तेऽस्ति श्रुतिपथे।

अतो मामुद्धर्तुं घटय मयि दृष्टि सुविमलां

न रिक्तां मे याच्ञां स्वजनरत कर्तुं भव हरे॥2॥


कदाहं भो स्वामिन्नियतमनसा त्वां हृदि

भजन्नभद्रे संसारे ह्यनवरतदुःखेऽतिविरसः।

लभेयं तां शान्तिं परममुनिभिर्या ह्यधिगता

दयां कृत्वा मे त्वं वितर परशान्तिं भवहर॥3॥


विधाता चेद्विश्वं सृजति सृजतां मे शुभकृतिं

विधुश्चेत्पाता मावतु जनिमृतेर्दुःखजलधेः।

हरः संहर्ता संहरतु मम शोकं सजनकं

यथाहं मुक्तः स्यां किमपि तु तथा ते विदधताम्॥4॥


अहं ब्रह्मानन्दस्त्वमपि च तदाख्यः सुविदित

स्ततोऽहं भिन्नो नो कथमपि भवत्तः श्रुतिदृशा।

तथा चेदानीं त्वं त्वयि मम विभेदस्य जननीं

स्वमायां संवार्य प्रभव मम भेदं निरसितुम्॥5॥


कदाहं हे स्वामिञ्जनिमृतिमयं दुःखनिबिडं

भवं हित्वा सत्येऽनवरतसुखे स्वात्मवपुषि।

रमे तस्मिन्नित्यं निखिलमुनयो ब्रह्मरसिका

रमन्ते यस्मिंस्ते कृतसकलकृत्या यतिवरा॥6॥


पठन्त्येके शास्त्रं निगममपरे तत्परतया

यजन्त्यन्ये त्वां वै ददति च पदार्थांस्तव हितान्।

अहं तु स्वामिंस्ते शरणमगमं संसृतिभयाद्यथा

ते प्रीतिः स्याद्धितकर तथा त्वं कुरु विभो॥7॥


अहं ज्योतिर्नित्यो गगनमिव तृप्तः सुखमयः

श्रुतौ सिद्धोऽद्वैतः कथमपि न भिन्नोऽस्मि विधुतः।

इति ज्ञाते तत्त्वे भवति च परः संसृतिलया

दतस्तत्त्वज्ञानं मयि सुघटयेस्त्वं हि कृपया॥8॥


अनादौ संसारे जनिमृतिमये दुःखितमना

मुमुक्षुः सन्कश्चिद्भजति हि गुरुं ज्ञानपरमम्।

ततो ज्ञात्वा यं वै तुदति न पुनः क्लेशनिवहै

भजेऽहं तं देवं भवति च परो यस्य भजनात्॥9॥


विवेको वैराग्यो न च शमदमाद्याः षडपरे

मुमुक्षा मे नास्ति प्रभवति कथं ज्ञानममलम्।

अतः संसाराब्धेस्तरणसरणिं मामुपदिशन्

स्वबुद्धिं श्रौतीं मे वितर भगवंस्त्वं हि कृपया॥10॥


कदाहं भो स्वामिन्निगममतिवेद्यं शिवमयं

चिदानन्दं नित्यं श्रुतिहृतपरिच्छेदनिवहम्।

त्वमर्थाभिन्नं त्वामभिरम इहात्मन्यविरतं

मनीषामेवं मे सफलय वदान्य स्वकृपया॥11॥


यदर्थं सर्वं वै प्रियमसुधनादि प्रभवति

स्वयं नान्यार्थो हि प्रिय इति च वेदे प्रविदितम्।

स आत्मा सर्वेषां जनिमृतिमतां वेदगदित

स्ततोऽहं तं वेद्यं सततममलं यामि शरणम्॥12॥


मया त्यक्तं सर्वं कथमपि भवेत्स्वात्मनि मतिस्त्वदीया

माया मां प्रति तु विपरीतं कृतवती।

ततोऽहं किं कुर्यां न हि मम मतिः क्वापि चरति

दयां कृत्वा नाथ स्वपदशरणं देहि शिवदम्॥13॥


नगा दैत्या: कीशा भवजलधिपारं हि गमितास्त्वया

चान्ये स्वामिन्किमिति समयेऽस्मिञ्छयितवान्।

न हेलां त्वं कुर्यास्त्वयि निहितसर्वे मयि विभो

न हि त्वाहं हित्वा कमपि शरणं चान्यमगमम्॥14॥


अनन्ताद्या विज्ञा न गुणजलधेस्तेऽन्तमगमन्नतः

न पारं यायात्तव गुणगणानां कथमयम्।

गुणवद्धि त्वां जनिमृतिहरं याति परमां

गतिं योगिप्राप्यामिति मनसि बुद्ध्वाहमनवम्॥15॥


॥ इति श्रीमन्मौक्तिकरामोदासीनशिष्यब्रह्मानन्दविरचितं

परमेश्वरस्तुतिसारस्तोत्रं सम्पूर्णम्। ॥

........................................................................................................
गुड़ी पड़वा 2026: मराठी नववर्ष का पावन पर्व और इसकी धार्मिक महत्ता

गुड़ी पड़वा 2026 महाराष्ट्र और दक्षिण भारत में मनाया जाने वाला हिंदू नववर्ष का प्रमुख पर्व है। यह त्योहार 30 मार्च 2026 को मनाया जाएगा। इस दिन घर के बाहर गुड़ी स्थापित की जाती है, जो विजय, समृद्धि और नए आरंभ का प्रतीक मानी जाती है। लोग इस दिन पूजा-पाठ, शुभ कार्य और नए संकल्प के साथ साल की शुरुआत करते हैं।

श्री गौमाता जी की आरती | Shri Gaumata Ji Ki Aarti Lyrics

श्री गौमाता जी की आरती हिंदू धर्म में गौमाता के प्रति श्रद्धा और सम्मान व्यक्त करने का एक पवित्र भक्ति गीत है। गौमाता को सनातन धर्म में माता के समान पूजनीय माना जाता है और उन्हें सभी देवी-देवताओं का निवास स्थान भी कहा गया है। गौमाता की आरती करने से घर में सुख-समृद्धि, शांति और सकारात्मक ऊर्जा का वास होता है। कई भक्त रोज़ सुबह या विशेष धार्मिक अवसरों पर Gaumata Aarti गाकर गौसेवा और गौपूजन का महत्व याद करते हैं।

श्री कुबेर जी की आरती | Shri Kuber Ji Ki Aarti

श्री कुबेर जी की आरती धन के देवता भगवान कुबेर को समर्पित एक पवित्र भक्ति आरती है। हिंदू धर्म में कुबेर जी को धन, संपत्ति और समृद्धि के अधिपति माना जाता है। विशेष रूप से धनतेरस, दीपावली और कुबेर पूजा के अवसर पर भक्त इस आरती का पाठ करते हैं। कुबेर जी की आरती करने से धन-समृद्धि, आर्थिक उन्नति और जीवन में सुख-शांति की प्राप्ति होती है।

श्री नर्मदा माता जी की आरती | Narmada Mata Aarti

श्री नर्मदा माता जी की आरती पवित्र नर्मदा नदी की महिमा का गुणगान करने वाली एक श्रद्धा भरी आरती है। हिंदू धर्म में नर्मदा माता को अत्यंत पवित्र और मोक्षदायिनी नदी माना जाता है। मान्यता है कि नर्मदा माता की पूजा और आरती करने से पापों से मुक्ति मिलती है और जीवन में सुख, शांति तथा आध्यात्मिक उन्नति प्राप्त होती है। विशेष रूप से नर्मदा जयंती, नर्मदा परिक्रमा और धार्मिक अनुष्ठानों के समय भक्त इस आरती का पाठ करते हैं।